.png)
Umuti wa Sinutab ni umwe mu miti ikoreshwa mu kuvura indwara zitandukanye zifata mu buhumekero zirimo sinizite , ibicurane , boronshite , ndetse nizindi ziterwa n'ama aleriji nka Rinite.
Umuti wa Sinutab uhurijwemo indi miti irimo umuti wa paracetamol , umuti wa antihistamine nindi ya decongestant .
- Umuti wa Acetaminophen (paracetamol ) ufasha mu kugabanya ububabare n'umuriro
- Umuti wa Antihistamine ufasha mu kugabanya ibibazo by'amaleriji
- Umuti wa Decongestant ufasha mu gufungura amazuru yafunganye
Iyi miti yose yahurijwe mu muti umwe wa Sinutab , ukaba ari umuti w'agatangaza mu kuvura Sinizite nizindi ndwara zifata mu buhumekero.
Ni gute wakoresha umuti wa Sinutab ?
.png)
Umuti wa Sinutab unywebwa mu kanywa , ushobora gukoresha amazi cyangwa ibiribwa mu gihe wifuza kuwunywa .
Mu gihe uri ku miti ya Sinutab , ni byiza kunywa amazi menshi , ni byiza kandi kunywa ikinini uko kimeze ,utabanje kugishwanyaguza cyangwa ngo ukimene.
Ingaruka kuwakoresheje umuti wa Sinutab
Kimwe nindi miti , umuti wa Sinutab ushobora gutera ibibazo kuwawukoresheje birimo
- Kugira isereri
- Kutabona neza , ukareba ibisa n'ibihu
- Kuribwa mu gifu
- Kugira iseseme
- Kumagara mu kanwa
Hari igihe ushobora no kubona ibindi bimenyetso bikomeye byatewe nuyu muti birimo gutakaza ubwenge , kuvugishwa no kubona ibidahari .
Ibyo ugomba kwitondera mu gihe ukoresha umuti wa Sinutab
.png)
Ni byiza ko mbere yo gukoresha uyu muti , umenya ko imiti iwugize nta ngaruka yagutera , cyane cyane nk'ibibazo bya allergies.
niba ufite bumwe muri ubu burwayi , mbere yo gukoresha uyu muti , banza uganire na muganga
- asima
- diyabete
- ishaza
- indwara z'umutima
- umuvuduko w'amaraso ukabije
- indwara y'impyiko
- indwara y'impyiko
- igicuri
- indwara ya constipation
- indwara ya prostate
- nizindi ...
Si byiza ko watwara imodoka mu gihe wanyweye uyu muti cyangwa ngo ukoresheje izindi mashini kuko ushobora gutera ibibazo byo kuzungerera .