Umuti wa Aciclovir ni imwe mu miti ikomeye yifashishwa mu kuvura indwara ziterwa n’udukoko tw’amavirusi ,cyane cyane nk’indwara y’ibihushi ,ibihara ,ubushita na zona.
Umuti wa Aciclovir ukunze gukoreshwa cyane ndetse ukanaboneka hirya no hino ,uyu muti ni imwe mu miti irwanya udukoko twa virusi ku buryo buhambaye ,ukaba waravumbuwe mu mwaka wa 1970 aho wahizwe ukoreshwa mu kuvura indwara zo mu bwoko bw’amavirusi ya Herpes.ziboneka mu muryango wa Herpesvirus.
Umuti wa Aciclovir wavumbuwe bwa mbere na Bwana Howard Schaeffer ,ukaba waragiye uvugurwa unanozwa neza. Umuti wa Aciclovir nanone ushobora kwitwa Acyclovir ,hirya no hino mu mafarumasi ,urahaboneka.
Ni gute banywa umuti wa Aciclovir?
Ni byiza kunywa uyu muti ,ukurikije amabwiriza wahawe na muganga wawe,bitewe n’uburwayi ufite ,Doze y’umuti wawo ugomba gufata irahindagurika bityo ni byiza gukurikiza amabwiriza wahawe na muganga.
Ushobora kunywa umuti wa Aciclovir ukoresheje amazi cg ibirbwa nk’umuneke
Niba wandikiwe uyu muti na muganga ,no mu gihe wakumva wakize imiti itararangira ,usabwe kurangiza Doze zose wandikiwe.
Mu gihe wibagiwe gufata uyu muti isaha ikakurengana ,niba bitararenga cyane wawufata ,ariko niba ubona isaha yo gufata indi doze yegereje ,wihorere utegereze indi doze.
Niba uri kunywa umuti wa Aciclovir ,Dore ibyo ugomba kwitaho
Mu gihe urimo kunywa uyu muti, ni byiza kunywa amazi menshi cyane ,kugira ngo agufashe gusukura impyiko .
Irinde kujya ku izuba kuko umuti wa aciclovir uzwiho gutera uruhu kuba rutakwihanganira izuba
Ingaruka umuti wa aciclovir ushobora gutera
Kimwe nindi miti yose ,Umuti wa Aciclovir ushobora gutera ibibzo birimo
- Kumva unaniwe
- kuruka
- iseseme
- kuzana uduheri ku ruhu
- kuribwa umutwe
- impiswi
- kumva ufite isereri
Ni gute wabika umuti wa Aciclovir?
- Bika uyu muti kure yaho abana batagera
- Bika uyu muti ahnatu humutse ,hadashyushye cyane kandi hatagera izuba n’umuriro
Ganiriza muganga wawe niba ufite ibi bintu bikurikira ,mbere yo gufata uyu muti wa aciclovir
- Mubwire niba utwite cyangwa wonsa ( nubwo bwose ubushakashatsi bugaragaza ko umuti wa aciclovir nta ngaruka ugira ku mwana ari bivuge)
- Niba ufite uburwayi bw’umwijima bibwire muganga
- niba uyu muti ugutera allergies bibwire muganga wawe
- niba urengeje imyaka 65
Dore icyo wakora mu gihe Umuti wa Aciclovir waguteye ibi bibazo
| Mu gihe uribwa umutwe | Ni byiza kuruhuka bihagije ndetse ukanywa n’amazi menshi cyane ushobora gufata umuiti wa paracetamol ukagufasha kugabanya ubwo bubabare |
Mu gihe ufite isereri | Hagarika ibyo wakoraga ,wicare hamwe cg uryame ,wirinde gutwara ikinyabiziga icyo aricyo cyose |
| Wumva utameze neza ufite iseseme | Gerageza kurya uturyo duke kandi wirinde amafiriti cyane ,nywa amazi menshi ku buryo wirinda umwuma |
| Mu gihe ufite impiswi | Kunywa amazi menshi ,ukwiye kwirinda gufata indi miti ivura impiswi keretse uyandikiwe na muganga |
| Mu gihe uruhu rwawe rubangamirwa cg rwangizwa n’izuba | Jya kure y’izuba nko mu nzu |
| Mu gihe uribwa nyuma yo kwisiga umuti wa aciclovir w’amavuta | Iturize ibi bikira nyuma y’igihe runaka ,nta kindi kintu ukoze |
Mu gihe uruhu rwawe rwumagaye | Ni byiza kugenzura amavuta n’ibindi birungo urimo kwisiga |
Umuti wa Aciclovir no konsa
Umuti wa Aciclovir nta ngaruka namba ugira ku mashereka no ku mwana wonka ,
ubushakashatsi bugaragaza ko iyo unywa umuti wa aciclovir ushobora kunyura mu mashereka riko nta ngaruka namba ushobora kugira ku mwana kuko uba ari muke.
Inkuru zindi wasoma
Umuti wa Ciprofloxacin wifashishwa mu kuvura Typhoide
ubushakashatsi:Kudasinzira bihagije byongera ibyago by’indwara z’umutima