Kubura urubyaro ni ikibazo cyibasira rubanda nyamwishi , ibi bigaterwa n'impamvu zitandukanye harimo izo umuntu ashobora kuvukana cyangwa se zikaza nyuma bitewe n'uburwayi .
Ishami ry'umuryango w'abibumbye ryita ku buzima (OMS ) rivuga ko 15% by'abantu babana batuye isi yose , baba bafite iki kibazo cyo kubura urubyaro .
Nubwo n'abagabo bashobora kugira ikibazo cyo kutabyara ariko burya abagore nibo benshi bahura nizi ngorane zo kutabyara , bakabura urubyaro .
Dore impamvu zitera kubura urubyaro ku bagore
Hari impamvu zitandukanye zitera kubura urubyaro ku bagore zirimo
1.Ibibazo mu burumbuke
.png)
Ushobora no kubyita uburwayi mu bijyanye n'uburumbuke (Ovulation disorders ) aha umugore ntabwo iminsi ye yo gusama igenda neza .
Ibi bigaterwa n'impamvu zitandukanye zirimo ibibazo mu misemburo , ibibazo by'imvubura ya thyroide , uburwayi buzwi nka polycystic ovary syndrome aho imirerantanga iba ifite ibibazo , ndetse n'intanga zirekurwa zidakuze neza .
Muri rusange buri kwezi , kuri benshi kuba kugizwe n'iminsi 28 , imirerantanga irekura intangangore ,iyo rero iyo ntngangore iba itarekuwe cyangwa hakarekurwa idakuze neza ,ibyo biza ku mpamvu ya mbere ya mbere itera kubura urubyaro ku bagore.
2.Uburwayi bwa Endometriosis
.png)
Uburwayi bwa endometriosis aho inyama z'imbere muri nyababyeyi zikura birenze urugero , ibyo bigatera ibibazo bya inflammation n'ububabare .
Ibi bikaba bibyara inkovu ziza muri nyababyeyi , ibi rero kandi bigatera kuba wananirwa gusama niyo wasama igi rikabura aho rifata , rikisohokera .
Umugore ufite uburwayi bwa endometriosis ava cyane mu gihe ari mu mihango , mu gihe atera akabariro arababara ndetse akagira n'ikibazo cy kubura urubyaro .
3.Kwangirika kw'imiyoborantanga (fallopian tube)
.png)
Hari impmvu nyinshi zishobora gutuma imiyoborantanga yifunga cyangwa ikaziba , ibi bikaba bituma intangangabo idahura n'intangangore ngo bibyare igi rizavamo umwana .
Ibi rero nabyo bikaba bitera kutabyara , impamvu zitera imiyoborantanga kuziba zirimo ama infegisiyo , kuba warabazwe , usanga n'abagore bafite ibi bibazo baba bafite ikibazo cyo kuba bararwaye indwara zandurira mu mibonano mpuzabitsina .
4.Imyaka
.png)
Uko umugore agenda akura niko atakaza ubushobozi bwo kubyara , nanone uko imyaka yiyongera niko ubwiza n'ubuziranenge bw'intangangore bugabanuka .
Abagore barengeje imyaka 35 bashobora no kugorwa no gusama cyangwa se basama ibyago byo kuba inda yavamo bikaba biri hejuru , ugereranyije n'abakiri bato .
5.Impamvu zishobora kuva muri Nyababyeyi
.png)
Harimo zishobora guterwa na nyababyeyi zirimo kuba ifite imiterere mibi , cyangwa se mu bijyanye n'imikorere yayo bitameze neza .
Ibi bikaba byaterwa n'ibyimbi , amapolyps, fibroids cyangwa se imiterere karemano yayo itatuma ishobora kwakira igi ngo rikuriremo .
Dusoza
Hari impamvu nyinshi zishobora gutera ikibazo cyo kubura urubyaro no kutabyara ,ariko izi ngenzi zhurirwaho na benshi nizi tuvuze.
Ni byiza kwivuza byibuze mu gihe umaze imyaka 2 utabyara kandi ubana n'umufasha wawe , hakrebwa impamvu , inyinshi muri izi mpamvu zishobora kuvugwa cyangwa ugafasha kubyara hifashishijwe ubndi buryo nka IVF