Kwamamaza

Dore Vitamini nkenerwa ku mubiri ibiryo tuzisangamo n'akamaro kazo

Dore Vitamini nkenerwa ku mubiri ibiryo tuzisangamo n'akamaro kazo

Hari urutonde runini rwa Vitamini nkenerwa kandi z'ingenzi ku mubiri wa muntu ,ahanini ii vitamini tuzikura mu biryo turya  , Vitamini ni ingenzi mu mikorere y'umubiri no mu gutuma umubiri ugira ubushobozi mu guhangana n'indwara.

Iyo Vitamini zabaye nkeya mu mubiri bishobora kugutera ibibazo bitandukanye mu mubiri birimo 

  • Guhuma no gutakaza kubona neza 
  • Kumagara ku ruhu
  • kuzana udusebe mu kanwa 
  • Guhorana umunaniro no kuzana uduheri ku ruhu
  • Gutakaza ubushobozi bwo gufata mu mutwe
  • kugira ikibazo cy'amaraso make 
  • Kwibasirwa n'indwara y'agahinda
  • kwangirika kw'imyakura yumva
  • Gucika intege
Buri bwoko bwa Vitamini bwose ufite mu mubiri  bwabaye buke bushobora kugutera ingaruka n'uburwayi bitewe niyo Vitamini , buri vitamini yabuze mu mubiri itera ikibazo cyihariye .

Dore urutonde rwa Vitamini  Akamaro kazo n'ibiribwa tuzisangamo 
Dore urutonde rwa Vitamini  Akamaro kazo n'ibiribwa tuzisangamo

Hari amoko menshi ya Vitamini zikenerwa mu mubiri wa muntu , izo vitamini ahanini tuzikura mubyo turya .izo vitamini ni izi zikurikira :

1.Vitamini A 

Vitamini A ni vitamini y'ingenzi ku mubiri , igira akamarao karimo gutuma amaso abona neza , Kongera no gukomeza ubudahangarwa bw'umubiri ndetse ikanafasha uturemangingo tw'umubiri gukura neza .

Vitamini A tuyisanga mu birayi , karoti , epinari n'amagi 

2.Vitamini B1 

Vitamini B1 igira akamaro gakomeye karimo gutera imikorere myiza y'imyakurayumva , kugira uruhare runini muri metabbolisme y'umubiri 

Vitamini B1 tuyisanga mu biribwa birimo ingano , ubunyobwa n'izindi mbuto z'ibinyampeke.

3.Vitamini B2 

Vitamini B2 igira akamaro gakomeye karimo kongera imbaraga muri metabolisme , mu kurema intete zitukura z'amaraso (red blood cells ) 

Vitamini B2 tuyisangamo mu biribwa birimo ibikomoka ku mata  , amagi n'imbogarwatsi .

4.Vitamini B3 

Vitamini B3 ni imwe muri vitamini zifasha muri metabolisme y'umubiri no mu mikorere y'imyakurayumva .

Vitamini B3 tuyisanga mu biribwa birimo inyama  amafi n'ibikomoka ku ngano.

5. Vitamini B5

Vitamini B5 ikoreshwa n'umubiri mu kurema imisemburo itandukanye . iyi vitamini ni ingenzi kuko ikenerwa mu mubiri wose .

Vitamini B5 tuyisanga mu biribwa birimo Avoka , ibirayi n'ibihumyo

6.Vitamini B6

Vitamini B6 ikoreshwa mu kuremwa kw'intete zitukura no mu mikorere y'imyakurayumva 

Iyi vitamini tuyisanga mu biribwa birimo inyama y'inkoko , amafi n'imineke 

7.Vitamini B7 

Vitamini B7 ifasha mu gutuma uruhu rumera neza  mu gutuma umusatsi n'inzara bikura neza ndetse no muri metabolisme y'umubiri .

Vitamini B7 tuyisanga mu biribwa birimo amagi , ubunyobwa na avoka 

8.Vitamini B12 

Vitamini B12 ikoreshwa n'umubiri mu kurema intete zitukura z'amaraso (red blood cells) no mu mikorere y'ubwonko .

Vitamini B12 tuyisanga mu biribwa birimo inyama , amafi no mu bikomoka ku mata 

9. Vitamini C

Vitamini C ikoreshwa mu kurema ibyitwa collagen , mu gutuma umubiri wakora ubutare no mu kongerera imbaraga ubudahangarwa bw'umubiri .

Vitamini C tuyisanga mu biribwa birimo amaronji , inkeri n'imbuto za kiwi 

10. Vitamini D 

Vitamini igira akamaro ko gukomeza amagufa no mu kongerera imbaraga ubudahangarwa bw'umubiri 

Vitamini D tuyisanga mu nyama y'ifi , ibihumyo no mu magi .

11. Vitamini E 

Vitamini E ikoreshwa mu kongerera imbaraga ubudahangarwa bw'umubiri , mu gutuma uruhu n'amaso bimera neza , 

Vitamini E tuyisanga mu  mbuto za Almond , Epinari no mu birayi .

12. Vitamini K 

Vitamini K ikoreshwa n'umubiri mu gutuma amaraso avura no mu gutuma amagufa ya muntu akomera 

Vitamini K tuyisanga mu biribwa birimo imbogarwatsi , imboga za borokoli na soya 

Muri rusange vitamini ni intungamubiri z'ingenzi mu mikorere y'umubiri ,cyane cyane mu kurinda indwara umubiri no gutuma urushaho gukora neza 

Izindi nkuru wasoma 







Post a Comment

0 Comments