Vitamini zitandukanye ,akamaro kazo n'ibiribwa wazisanga

Vitamini zitandukanye ,akamaro kazo n'ibiribwa wazisanga

Vitamini ni zimwe mu ntungamubiri z’ingenzi zibumbatiye ubuzima bwiza ,Vitamini zifashishwa n’umubiri mu kubaka ubudahangarwa bw’umubiri no kuwurinda uburwayi ,Vitamini nanone zifashishwa n’umubiri muri imwe mu mikorere myiza yawo nko kurema imisemburo ,kurema imikaya nibindi byinshi.

Dore Vitamini z’ingenzi ,akamarao kazo ndetse n’ibiribwa wazisangamo

Vitamini A

Vitamini A ituma uruhu rw’umubiri rusa neza kandi rukanyerera ,nanone ituma tubasha kubona neza aho ifasha amaso ikanayarinda no kwangirika ,iyi vitamini A nanone ni nziza ku magufa kandi igatuma amagufa akomera.

Vitamini A tuyisanga muri Karoti ,indimu imboga za epinari ,amagi ,amafi ,amata n’umwijima

Vitamini B1

Vitamini B1 ifasha mu mikorere myiza y’ubwonko ,ikaba ifasha mu igogorwa ,igatuma imikaya ikomera ,ikanoza imikorere myiza y’umutima no gutuma dusinzira neza.

Vitamini B1 iboneka mu musemburo ,inyama y’ingurube (akabenzi) ubunyobwa ,ingano n’imboga rwatsi

Vitamini B6

Vitamini B6 ifasha mu kuvugurura umubiri ,kubaka imyakura yumva no gutuma imitsi itwara amaraso ikora neza.

Vitamini B6 iboneka mu ngano ,muri salade,amashu ,imineke ,amafi yo bwoko bwa salmon n.inyama.

Vitamini B5

Vitamini B5 ifasha ubwonko mu kubika amakuru no kwibuka ,gutuma umuntu yumva amerewe neza ,kunoza imikorere myiza y’umutima nibindi…

Vitamini B5 iboneka mu nyama y’inkoko ,umuhondo w’igi ,amata n’ibiyakomokaho ,imboga rwatsi ,umuceri n’imboga za brocolli.

Vitamini B2

Vitamini B2 ifasha mu kubona neza no kubaka imikaya izira umuze

Iyi Vitamini B2 iboneka mu mata ,mu magi ,mu bihumyo ,no mu nyama

Vitamini B12

Vitamini B12 ifasha mu kubungabunga ibiro ,mu kubaka ubudahangarwa bw’umubiri ,gutuma tubasha gufata mu mutwe,ndetse no kunoza imikorere y’igogora.

Vitamini B12 iboneka muri Soya ,imboga za epinari ,amafi ,amata .umuhondo w’igi

Vitamini K

Vitamini K ifasha mu komora igisebe ,igafasha mu kuvura kw’amaraso

Vitamini K iboneka mu mboga za epinari ,mu bihwagari ,muri karoti ,mu nyanya no mu cyayi cya green tea.

Vitamini E

Vitamini E ifasha mu gusana umubiri ,igafasha mu mikorere myiza y’imyanya myibarukiro

Iyi vitamini iboneka mu nyama ,mu bihaza ,ndetse mo mu mata n’ibiyakomokaho

Vitamini C

Vitamini C ni nziza ku ruhu ,igafasha mu kubaka abasirikari b’umubiri ,ndetse ni nziza ku musatsi no ku nzara.

Vitamini C iboneka mu ndimu ,mu mashaza ,mu bishyimbo ,mu mbuto za kiwi nibindi…

Vitamini D

Vitamini D ni nziza cyane mu gukomeza amagufa ,mu gutuma amaraso atembera neza ,mu kuvura indwara z’ibicurane no gusohora uburozi

Vitamini D iboneka mu mata .mu muhondo w’igi ,mu mafi ,mu biumba no mu mboga rwatsi.

Izindi nkuru wasoma

ibyago-biterwa-nibura-rya-vitamini-d-mu-mubiri-byaba-biterwa-niki-ni-ibihe-bimenyetso-bwakwereka-ko-ufite-vitamini-d-nkeya-mu-mubiri

ibiribwa-bitandukanye-bibonekamo-vitamini-a-ku-bwinshi

ubuzimainfo.rw/mu-buryo-butangajesobanukirwa-nuko-umubiri-wikorera-vitamini-d-wifashishije-izuba

Gatabazi Jean Sauveur

Umwanditsi akaba n'umuyobozi w'ikinyamakuru cya UbuzimaInfo cyandika ku nkuru zivuga ku buzima Website :www.ubuzimainfo.rw Youtube: UbuzimaInfo Tv

Post a Comment

Previous Post Next Post