Mu ndwara zifata uruhu hashyirwamo indwara y'ise , Uruheri ,Amahumane , ibihushi ,kanseri y'uruhu nizindi nyinshi .
Uburyo bwo kuzirinda bujya gusa kubera ko ahanini ziterwa n'ibintu byangiza uruhu nk'ibinyabutabire bibi byo mu mavuta yo kwisiga , izuba n'isuku nke yo ku ruhu.
Ibintu bikongerera ibyago byo kwibasirwa n'indwara z'uruhu
- Kwangizwa n'imirasire mibi iva ku izuba izwi nka Ultraviolet ibi bikaba bishobora kugutera kanseri
- Imyaka y'ubukure ,uko umuntu akura ibyago byo kwibasirwa na kanseri y'uruhu biriyongera .
- Uruhererekane mu miryango ,aho usanga hari uburwayi bufata uruhu bwiganje ku bantu benshi mu muryango .
- Kuba ufite ufite indwara zishegesha umubiri nka Sida cyangwa kanseri ,burya ibyago byo kwibasirwa n'indwara z'uruhu biba biri hejuru.
- Uruhu rwawe , burya abantu b'inzobe cyangwa abazungu burya uruhu rwabo rushobora kwangizwa n'izuba kurusha abandi .
Ibi ni bimwe mu bintu ,byongera ibyago byo kwibasirwa n'indwara zifata uruhu .
Ibimenyetso byakwereka ko ufite indwara z'uruhu
- Kuzana uduheri twinshi ku ruhu
- kuzana ibimeze nk'ibishyundu ku ruhu
- Guhindura ibara kw'agace karwaye
- kuzana udusebe ku ruhu ahanini tudakira
- Uruhu rukumagara ,rugakomera cyangwa se rugacika imyate
- Kuzana ibimeze nk'inkovu ku ruhu
- uruhu rugahinduka ,ukamera nk'uwisize ivu
- kugira ububabare aharwaye
- nibindi ...
Ibi ni bimwe mu bimenyetso bigaragara ku muntu ufite uburwayi bw'uruhu ariko bigenda bitandukana bitewe n'ubwoko bw'indwara y'uruhu ufite .
Uko bavura indwara z'uruhu
Hari uburyo bwinshi bukoreshwa mu kuvura indwara z'uruhu , buri ndwara yose uruhu igira uburyo bwihariye bwo kuyivura kandi ikavugwa hashyingiwe ku bintu biyitera .
- Gukoresha amavuta asigwa ku ruhu , cyane cyane aharwaye
- Gkoresha imiti yo mu bwoko bwa antibiotic cyane cyane ku ndwara ziterwa n'udukoko twa bagiteri
- Imiti yo mu bwoko bwa antiviral cyane cyane ku ndwara ziterwa na virusi
- Guterwa inshinge no guhabwa imiti yo mu bwoko bw'amasteroide
- Ubuvuzi bukoresha itara cyangwa urumuri buzwi nka light therapy
- Kubagwa cyangwa agace kabyimbye kagakurwaho
- Guhabwa imiti y'ibinini nko mu kuvura ise n'ibindi..
Ubu ni bumwe mu buryo butandukanye bukoreshwa mu kuvura indwara z'uruhu .
Ibintu byagufasha kwirinda indwara z'uruhu
- Kwambara imyenda yabigenewe irinda umubiri ,cyane cyane nko mu gihe ugiye ku izuba
- Gukoresha Sunscreen ku muntu uri bumare umwanya munini ku izuba
- Kwirinda kumara umwanya muremure ku izuba
- Kwirinda kunywa itabi ,ibi bigabanya ibyago byo kwibasirwa na kanseri y'uruhu
- Kugira isuku y'uruhu no kwirinda gusangira ibikoresho by'isuku
- Kwirinda ibintu byose bishobora kwangiza uruhu aho biva bikagera
- Kurya indyo yuzuye
- Kwivuza mu gihe cyose ubonye akantu kadasanzwe ku ruhu
Ibintu byagufasha kugira uruhu rwiza
Hari ibintu byagufasha kugira uruhu rwiza birimo
- Kunywa amazi menshi
- Gusinzira bihagije
- Gukora imyitozo ngororamubiri
- Kurya neza
- Kwirinda kunywa inzoga n'itabi
- Kwirinda stress
- Kugira isuku y'uruhu
- Kwirinda izuba
Murakoze
ReplyDelete