Imboga za Seleri ni imboga zitangaje kubera intungamubiri n'akamaro kazo ku mubiri wa muntu cyane cyane zikaba zongera imbaraga ku bagabo mu bijyanye no gutera akabariro.
Seleri zishobora gukoreshwa nk'ikirungo cyangwa nk'imboga , nanone zishobora gukorwamo umutobe , kandi zikagumana umwimerere wazo ndete zikagumana n'intungamubiri zazo .
Imboga za Seleri kandi zikungahaye kuri vitamini A na C ndete no ku myunyungugu nka potasiyumu zose zikaba ari ingenzi mu mikorere y'umubiri .
Ubuhakashatsi bugaragaza ko muri Seleri habonekamo ikinyabutabire cya Androsterone kiboneka mu musemburo wa testosterone uboneka ku bagabo ibi bikaba binasobanura impamvu , Seleri yongera akanyabugabo ku bagabo.
Intungamubiri dusanga mu mboga za Seleri
Mu mboga za Seleri dusangamo intungamubiri zitandukanye zirimo
- Vitamini A
- Vitamini K
- Vitamini C
- Vitamini B9
- Umunyungugu wa potasiyumu
- Umunyungugu wa manyeziyumu
- Ibyitwa fibre
- Umunyungugu wa fosifore
- Umunyungugu wa sodiyumu
- Vitamini E
- Vitamini B6
Izi ni zimwe mu ntungamubiri dusanga mu mboga za Seleri , ubwinshi bwazo bugenda bugabanuka cyangwa bukiyongera bitewe naho izom mboga zahinzwe , uko zafashwe ndetse nuko zateguwe.
Akamaro ka Seleri ku mubiri wa muntu
Hari akamaro gatandukanye ka Seleri ku mubiri wa muntu karimo
1.Kugabanya umuvuduko w'amaraso ukabije
Seleri ni zimwe mu mbuto nziza ku bantu bafite uburwayi bwa hypertension kuko zifasha mu kugabanya umuvuduko w'amaraso ukabije bityo ibipimo byawo bigahora ku kigero cyiza .
Ibi bigaterwa n'imyunyungugu dusanga muri Seleri ifasha umubiri mu gushyira ku murongo umuvuduko w'amaraso ukabije.
2.Kurwanya inflammation mu mubiri
Mu mboga za Seleri dusangamo ibinyabutabire byitwa antioxidant ndetse na anti inflammatory compound. ibi byose bikaba bifasha mu kugabanya umuvuduko w'amaraso ukabije .
Kurya seleri bigabanya ibyago byo kuba wakwibasirwa na n'ibibazo bya inflmmation ku kigero kinini ari nako bikurinda uburwayi.
3.Gutuma igogora rigenda neza no kuvura constipation
Seleri zikungahaye ku byitwa fibre bituma igogora ryibyo turya rigenda neza , ibi bikanoza imigendekere y'igogora.
Ninayo mpamvu kurya seleri bivura bikanakurinda indwara ya constipation , constipation ni impatwe aho umuntu yituma bimugoye.
4.Gufasha abifuza kugabanya ibiro by'umurengera
Ku muntu wifuza kugabanya ibiro by'umurengera , kurya imboga za Seleri ni byiza kuko zibonekamo ibyitwa karoli bike ndetse tukanazisangamo ibyitwa fibre ku bwinshi , ibi byose bikaba aribyo bifasha mu kugabanya umubibuho ukabije .
5.Gutera imikorere myiza y'umutima
Seleri zikungahaye ku myunyungugu y'ingenzi itera imikorere myiza y'umutima , bityo kuzirya bituma umutima wawe ukora neza ndetse bikagabanya ibyago byo kwibasirwa n'indwara zifata umutima .
6.Gukomeza amagufa
Imboga za seleri zikungahaye ku ntungamubiri zifasha mu gukomeza amagufa zirimo vitamini K na umunyungugu wa karisiyumu , izi ntungamubiri zombi zikaba zifasha amagufa gukomera no kuyarinda kuvunika .
7.Gutuma uruhu rumera neza
Vitamini A na Vitamini K dusanga mu mboga za seleri zifasha mu gutuma uruh rumera neza no kururinda , bityo umuntu urya seleri ahorana uruh rwiza kandi rukeye .
8.Gutuma umuntu asinzira neza
imboga za seleri ni zimwe mu mboga zitera umubiri kuruhuka no gutuza bityo bikaba byagufasha kuruhuka neza no gusinzira neza.
Akamaro ka Seleri ku mugabo ukwiye kuzirikana
By'umwihariko , kurya seleri ku mugabo bigira ingaruka nziza ku mubiri we , cyane cyane ako kamaro karimo
1.Kugabanya ibyago byo kwibasirwa na kanseri ya prostate
Mu mboga za Seleri dusangamo ikinyabutabire cya apeginin , iki kinyabutabire kikaba kigira ingaruka nziza mu kugabanya ibyago byo kwibasirwa n'indwara ya prostate ku bagabo.
2.Kugabanya umuvuduko w;amaraso ukabije
Burya ku bagabo kurya seleri ni byiza kuko bigabanya umuvuduko w'amaraso ukabije ndetse bikagabanya n'ibyago byo kuba wafatwa n'indwara ya hypertension ku bagabo .
3.Kongera imbaraga mu gutera akabariro
Kurya seleri ku bagabo byongera imbaraga n'ubushake mu bijyanye no gutera akabariro ibi ahanini bigaterwa nuko muri seleri dusangamo ikinyabutabire cya Androsterone gifasha mu kongera ubushake ku bagabo.
Akamaro ka Seleri ku mugore utwite
Imboga za Seleri zifite akamaro kanini ku mugore utwite karimo
- Guha umubiri we Vitamini nkenerwa ku mugore utwite
- Gutuma igogorwa ryibyo yariye rigenda neza
- Gutuma amagufa ye akomera
- Kongera ubudahangarwa bw'umubiri we
- Kumurinda ko yafatwa n'indwara ya Pre eclampsia itera umuvuduko w'amaraso ukabije
Ni byiza ko buri mpinduka mu mafunguro umugire utwita akoze , abanza kubiganiriza muganga we , bityo hakarebwa ko nta ngaruka mbi yateza kuri we no ku mwana atwite .
Ibyo ukwiye kwitondera
Nubwo bwose imboga za seleri ari nziza ku mubiri wa muntu ariko hari ibyo ukiye kwitondera , ntukwiye kurya izi mboga niba
- Zigutera allergies iyo waziriye
- mu gihe uri ku miti ya hypertension
- ntukwiye kurya seleri ziri kumwe nandi mafunguro abonekamo umunyungugu wa sodiyumu mwinshi
- ku bantu bamwe zishobora kubatera ibibazo byo mu nda birimo kubyimba mu nda kugira iseseme nibindi ....