Niba ujya wumva unezerewe ,umubiri wawe uguwe neza nyuma yo gukora agasiporo ,ibyo byishimo nta handi ubikura ni ku musemburo wa Endorphins , Endorphins ukaba ari umusemburo ukoze mu binyabutabire bikora ku myakura yumva Neurochemical) ukaba ari umusemburo utera akanyamuneza mu mubiri
Ijambo endorphins riva ku ruhurirane rw'amagambo abiri ariyo Endogenous bisobanura mo indani ,imbere mu mubiri ,na morphine ,ikinyabutabire kivura ububabare kigatera n'ibyishimo.
Umusemburo wa Endorphins uvuburwa n'imvubura ya Pituitary gland iboneka mu bwonko ,uyu musemburo ukaba ugabanya ububabare ,ukanatera akanyamuneza mu mubiri,uyu musemburo ukaba uvuburwa mu gihe umubiri ugeraniwe nk'igihe ufite ibintu biguhangayikishije ndetse no mu gihe turya cyangwa dukora imibonano mpuzabitsina nabwo uravubugwa.
Uyu musemburo wagereranywa n'ikiyobyabwenge karemano ,gituma umuntu agubwa neza ,imibabaro ikagabanuka ,ukumva uguwe neza ,utuje ndetese uyu musemburo ukaba udufasha gusubira ku murongo nyuma y'ibibazo runaka na nyuma y'ibintu biduhangayikisha.
Dore akamaro k'umusemburo wa Endorphins mu mubiri wacu
1.Umusemburo wa endorphins uvura indwara z'agahinda gakabije ndetse ukanaziturinda
Nta gushidikanya uyu musemburo ugira uruhare runini mu kuvura izi ndwara ,ndetse ukaba unatuma tutabasha kwibasirwa nazo kenshi ,iyo ukora siporo uyu musemburo uravuburwa ku bwinshi ,ibi rero bikaba bituma umuntu ukora siporo atandukana n'ubu burwayi.
2.Kuvura ibihe by'imihangayiko
Ubushakashatsi bwakozwe bwagaragaje ko uyu musemburo wa endorphins ugira uruhare rukomeye mu kuvura uburwayi bw'imihangayiko ku muntu.
3.Wongera akanyabugabo no kwihagararaho
Uyu musemburo ugira uruhare rukomeye mu kongerera umuntu kwiyumvamo imbaraga z'ibitekerezo ndetse no kwihagararaho
4.Kugabanya ububabare cyane cyane mu gihe cyo kubyara
Mu gihe umugore abayara arababara cyane ,ariko uyu musemburo wa Endorphins ufasha mu kugabanya ikigero cy'ububabare yakagize ku kigero runaka.ibyo bikaba bifasha umubyeyi kuba atakicwa n'ububabare ndetse na nyuma yo kubyara bugahita bushira.
Inkuru bijya gusa :
byinshi ku musemburo wa oxytocin ,ufatwa nk’umusemburo w’urukundo
Akamaro k’umusemburo wa Esitorojeni (Estrogen)mu mubiri
Dore bimwe mu bimenyetso byakwereka ko ufite umusemburo muke wa endorphins
1,Kwibasirwa n'indwara y'agahinda gakabije
2.Kwiheba
3.Guhindagurika mu marangamutima
4.Kubabara
5.Kubatwa
6.Gusinzira nabi
7.Imyitwarire idasanzwe
Dore uburyo wazamura ikigero cy'umusemburo wa endorphins mu mubiri wawe
Bimwe mu bikorwa wakora bikazamura ikigero cy'umusemburo wa endorphins mu mubiri wawe
1.Kurya shokola zirabura (Dark chocolate)
2.Gukora siporo
3.Gukora imibonano mpuzabitsina
4.Gucuranga muzika
5.Kubyina
6.Kunywa ikirahuri cy'umuvinyo
7.Guseka
8.Gukora ka massage na Sauna
9.Kureba Tv
Izindi nkuru wasoma:
Niwibonaho ibi bimenyetso ,uzamenye ko ushobora kuba urwaye indwara z’umutima
Sobanukirwa:Umuti wa Diclofenac
Dukurikire no kuri Youtube