Ubuhinde kimwe mu bihugu bimaze kuzahazwa na Covid-19 mu buryo bukabije

byGatabazi Jean Sauveur -April 28, 2021

1

Igihugu cy'ubuhinde ni kimwe mu bihugu bimaze kwigirizwaho nkana n'icyorezo cya Koronavirusi aho abasaga miliyoni 18 bamaze kurwara iki cyorezo naho abarenga ibihumbi magana abiri na makumyabiri na kimwe cyarabahitanye ,Ubuhinde bukaba bwaragiye bugaragaza ingufu nyinshi mu kurwanya iki cyorezo ariko cyaranze kirabaganza ku buryo hirya no hino uhasanga indembe za Covid-19

Byagiye bitangazwa ko ibitaro byo mu Buhinde byagiye bibura ubushobozi bwo kwita ku barwayi ba Covid-19 ,kubera ubwinshi bwabo butajyanye n'ubushobozi ibitaro byakira ,ndetse hakaba harafashwe ingamba ko hari amashuri n'ahandi hantu hatandukanye hagirwa ibitaro ku buryo bwihuse kugira ngo hatangirwe serivisi zO kwita ku barwayi ba Covid-19

Nkuko byatangajwe n'ikinyamakuru cy'Abongereza cya BBC ,Cyavuze ko Leta y'ubuhinde yageze aho ibura umwuka wo kongerera abarwayi bari mu byuma bibongerera umwuka kubera ubwinshi bw'abarwayi bawukeneye bitajyanye n'ubushobozi bw'umwuka uhari.

Umwaka ushize wa 2020 nibwo Ishami ry'umuryango w'abibumbye rishinzwe ubuzima ryari ryatangaje ko byibura kugira ngo igihugu cyoroshye ingamba zo kurwanya Covid-19 ,kigomba kuba gifite ubwandu bushya butarenze 5% ariko igihugu cy'Ubuhinde cyo kigeze kuri 20% ,ibi bikaba biteye impungenge cyane kandi biragaragaza ubwiyongere budasanzwe bw'iki cyorezo muri iki gihugu.

Ibitanda by'indembe byabaye bike muri iki gihugu ,cyane cyane mu mugi wa Delhi ,ibitaro byaho byaruzuye ku buryo bitoroshye kuba wabonbamo igitanda ,imihanda ikikije ibitaro yuzuyemo indemnbe zabuze aho ziryama nkuko byatangajwe n'umunyamakuru wa BBC.

Reuters yavuganye numwe mu bafite umurwayi aho ku mbuga y'ibitaro avuga ko amaze iminsi itatu ategereje ko igitanda cyo gushyiraho umuntu kiboneka ariko barakibuze.

Igisirikari cy'ubuhinde cyatangiye kwifashisha indege zacyo kugira ngo kibashe kugeza umwuka hirya no hino ,ariko umwuka uracyari ungorabahizi ku buryo bukomeye ,Ubuyobozi bukaba bwafashe icyemezo ko za Gariyamoshi zishobora kwifashishwa nk'ibitaro byakira abarwayi .