Burya abantu abantu nabo bashoobora kurwara indwara ya Tenia soma Teniya , ahanini bigaterwa no kunywa amazi arimo amagi yayo cyangwa bakarya inyama mbisi cyangwa zidahiye neza .
Muri rusange , inzoka zo mu bwoko bwa Tenia zikunze kuboneka mu itungo rizwi nk'ingurube , ingurube zandura inzoka za Tenia binyuze mu kurya umwanda wo mu musarani , naho umuntu akaba ashobora kwandura teniya binyuze ku kurya inyama z'ingurube mbisi cyangwa zidahiye neza .
Teniya ibarirwa mu cyiciro cy'udukoko tuzwi nka Parasites ishobora kuba mu mara ya muntu mu gihe kigera ku myaka 30 na 40 .
Teniya zibamo amoko 5 ariko akunze kugaragara cyane ni abiri ariyo Tenia Saginata na Tenia Solium ,izi teniya zose zandura mu buryo bumwe .
Ni gute Inzoka ya Tenia yandura?
Inzoka za Teniya zishobora kwandura binyuze ku kurya inyama mbisi cyangwa inyama zidahiye neza , izi nyama ahanini ziba zirimo amagi avukamo izi nzoka za Teniya , iyo inyama yatetswe neza , ariya magi arapfa , iyo rero zitatetswe neza ngo zishye nibwo ariya magi yanduza.
Nanone umuntu ashobora kwandura nyuma yo gukorakora umwanda uturuka ku nyamaswa aha twavuga nk'imbwa , ingurube nizindi nyamaswa.
Ibimenyetso bigaragara ku muntu ufite inzoka za Teniya
Umuntu ufite uburwayi bwa Teniya ashobora kugaragaza ibimenyetso bikurikira aribyo
- Gutakaza ibiro mu gihe gito
- Ibihuha bya Teniya wituma mu mwanda , ukabibona mu mwenda w'imbere no mu musarani
- guhorana umunaniro
- kugira isereri
- kugira iseseme
- kugubwa nabi nibyo urya
- gutakaza ubushake bwo kurya
- kuribwa mu nda
- kubabara umutwe
Ni Gute basuzuma inzoka za Teniya ?
Hari uburyo butandukanye bashobora gusuzuma ko urwaye indwara za Teniya aribwo
- Gufata ikizamini cy'umusarani kigapimwe
- Gufata ibizamini by'amaraso
- Ikizamini cyo kureba imbere mu jisho kuko inzoka za teniya zishobora kuhangiza
Ni gute bavura inzoka za Teniya ?
Inzoka za Teniya zishobora kuvugwa zigakira neza , hari imiti yo kwa muganga bakoresha bavura izi nzoka arizo
- Umuti wa Niclosamide
- Umuti wa Praziquantel
Ni gute wakwirinda kwandura inzoka za Teniya ?
Kwirinda ko wafatwa n'inzoka za Teniya birashoboka , ukora ibi bikurikira \\
- Guteka inyama zigashya neza mbere yo kuzirya
- Kongera isuku yibyo kurya , iyo ku mubiri niy'ibikoresho dukenera mu buzima bwa buri munsi
- Koza imboga n'imbuto mbere yo kuzirya
Ibyago bishobora guterwa n'inzoka za Teniya
Inzoka za Teniya zishobora guteza ibyago bikomeye ku muntu birimo
- Indwara ya cysticercosis. ifata mu bwoko ikabwangiza ndetse umuntu akaba yafatwa n'igicuri (epilepsy )
- Kwangirika kw'agace mu jisho
- Kwizinga kw'amara bikaba bishobora gukenera kubagwa
- nibindin