Indwara ya Pre-eclampsia ni indwara y'umuvuduko w'amaraso ukabije ku mugore utwite .
Iyi ndwara ikunze kwibasira abagore batwite ,bakagira ibibazo by'umuvuduko w'amaraso ukabije Kandi batarabawusanganywe.
Mu bizamini , umugore utwite akirerwa ,mu gihe agiye kwipimisha ,habamo niki cyo kureba ko adafite iyi ndwara .
Indwara ya Pre-eclampsia ni mbi cyane kubera ko ishobora gutera ibyago bikomeye ku mugore utwite birimo
- Kuba umwana yapfira mu nda ataravuka
- Kuba wabyara igihe kitaragera
- Kuba ishobora gukomera ikabyara indwara ya Eclampsia ,iyiyo ishobora gutera urupfu ku mubyeyi .
- Kuba umubyeyi yagira complications zikomeye mu gihe abyara
- n'ibindi...
Iyo bigaragaye ko umubyeyi utwite afite Indwara ya Pre-eclampsia,abaganga bahita bamufasha byihuse kubera ko ubuzima bwe n'ubw'umwana atwite biba buri mu kaga.
Ibimenyetso by'indwara ya Pre-eclampsia
Hari ibimenyetso byakwereka ko ushobora kuba ufite iyi ndwara birimo
- Kuribwa umutwe bikabije
- kutabona neza no kureba ibisa n'ibihu
- Kibabara mu nda cyane cyane mu mbavu
- Kuruka no kugira iseseme
- Gucika intege
- Kubyimba ibirenge no mu ntoki
- Guhumeka nabi
- Imikorere mibi y'umwijima
- Kuzana proteyine mu nkari
Ibintu bikongerera ibyago byo kwibasirwa n'indwara ya Pre-eclampsia
Hari ibintu byongera ibyago byo kwibasirwa niyo ndwara birimo
- Kuba ufite ubundi burwayi burimo Diyabete , Hypertension,indwara y'impyiko
- Kuba ufite uburwayi bwa Autoimmune
- Kuba warigeze kurwara iyi ndwara utwite
- Kuba mu muryango wawe hari undi muntu wigeze kugira ubu burwayi atwite.
- Kuba umaze imyaka irenga 10 utwise inda iheruka
- Kuba waratwise urengeje imyaka 35
- Kuba ufite umubyibuho ukabije urengeje BMI ya 35
- Kuba utwite impanga
Ni iki gitera indwara ya Pre-eclampsia?
Kugeza ubu ,ubushakashatsi bigaragaza ko nta mpamvu ya nyayo itera ubu burwayi bwa Pre-eclampsia.
Buri mugore wese utwite ashobora guhura nubu burwayi .
Gusahari abemezako bishobora no giterwa n'uburyo ingobyi y'umwana yinjiye muri nyababyeyi ariko nta bushakashatsi bwimbitse burabyemeza
Ni gute bavura indwara ya Pre-eclampsia?
Umugore utwite ufite ubu burwayi ,ashobora kuvugwa no gufashwa kubyara nta ngaruka .
Iyo abaganga babona umwana ashobora kuvuka ntagire ikibazo,bagufasha kumubyara nubwo bwose igihe cyo kubyara cyaba kitaragera .
Hari n'imiti ishobora guhabwa uyu mugore ,kugira ngo ibashe kugabanya no gushyira ku mugorongo ikigero cy'umuvuduko w'amaraso.
Ingaruka indwara ya Pre-eclampsia ishobora gutera uyirwaye
Hari ingaruka mbi iyi ndwara ishobora gutera uyirwaye zirimo
- Kuba umwana yangwingirira mu nda
- Kuba wabyara igihe kitageze
- Kuba ingobyi y'umwana yakomoka mbere
- Ibibazo mu maraso Aho intete zitukura zishwanyagurika
- Indwara ya Eclampsia itangwa no kugagara nk'urwaye igicuri
- Kwangirika ku mwijima n'impyiko
- Ibyago byo kwibasirwa n'indwara y'umutima buriyongera
Dusoza
Indwara ya Pre-eclampsia ni indwara mbi ku mugore utwite ariko kwikurikirana no kubahiriza gahunda yo kwipimisha bituma ibonwa hakiri kare Kandi ntimutere izindi ngaruka.